Mudane Cabdiraxmaan Aw-Cali (Tolbadane); Waa MadaxWeyne Ku Xigeenka Somaliland , Haddii iyo Haddi Walba !...By Hiil-danyare

Mudane Cabdiraxmaan Aw-Cali (Tolbadane); Waa MadaxWeyne Ku Xigeenka Somaliland , Haddii iyo Haddi Walba !.

Gobolada Woqooyi Galbeed ee Soomaaliye ee la baxay Somaliland. Waa Gobolo markoodii hore ay qabsatay walina haysato SNM oo ahayd jabhad ku salaysan qabiil soona adeegsaday taageerada cadowga madow ee Xabashi. Dalka Somalilanda, waxa lagu dhisay, wuxu ahaa heshiis maqaar saara, oo dani ku baday ah iyo Nabad-gelyo laysku khuukhiyo oo ilaa iyo imika an wali lagu qotomin wax ku salysan Xaq iyo Xaqiiq toona , oo maruun kala daadan doonta.

Somaliland Waa gobol is tuhunka iyo is nacaybka iyo is dulmiga Ummadda ku nooli sii kordhayo ayaanba ayaanta ka danbaysa. Hase yeeshee laysku qarsanyo layksuna muquuninayo heshiishkaas maqaar saarka ah iyo Nabad galyadaas xuubka caaro saaran yahay. Isla mar ahaantaana laysku beerlaxawsanayo oo la iskugu tar sheeganayo tolnimo iyo qabiilaysi ku salaysan Danaysi Hunguriyaysan oo shaqsiyaad.

Muhiimmada qoraalkan koobananina waxay tahay; Jawaab an u celinayo qaar ka mid walaalahayga Jidbaysan ee reer Awdal. Kuwaas oo qaarna caadaysteen inay difaacaan C/Raxmaan oo ammaanaan, oo xitaa jidbo aawadeed usoo qoraan wax gabayo ku sheeg jacbur ah oo jidhku kaa xanuuni karo. Qaarkoodna marna nagu dhiiri galiyaan midnimo iyo Israac, marna u dhamaamaxaan jidbada C/Raxmaan Aw- cali . Qaar kalana weeraraan, oo yidhaahdaan waraabaha innaga ridaay, iwm. Dadkaasi dhammaantood waxan leehay:

Nimanyahow waxba karaamada iyo iimaanka iyo sharafta ha iska qaadina, ee ogaada in UDUB tahay SNM, in UCID tahay SNM, in KULMIYE yahay SNM dhammaantoodna yihiin KULUDUBCID. Iyo ugu danbayntii in SNM hasysato Dalka Somaliland. Iyagaaba idiin sheegi doona marka ad weydiisiin ee ad tidhaahdiin waa kuma Madaxwenaha Dalku?; waxay intooda badani ku jawaabaan:

"Sida qaalibka ah (Actually !), dalku wuxu leeyahay labo Madaxweyne oo kala ah; Madaxweynaha Dawladda oo ah Daahir Rayaale, iyo Madaxweynaha Dadka oo ah Siilaanyo". Macnaheedu waxa weeyi in Dalka Somaliland qofkii usoo halgamay ee soo hogaamiyay SNM ee hogaanka u ahaayi mar walba yahay hogaamiyaha Dalka iyo dadka Somaliland . Qofkii an SNM shaqo ku lahyna loo ogol yahay inuu maamulka Dawlada meeshuu doono ka qaban karo, balse marnaba loo aqoonsan Karin hogaamiye dad iyo dal. Si kale hadaan u dhigno; Mudane Siiraanyo, waa Madaxweynaha Dadka (The President of the People) haddii uu doorasho helo iyo haddii walba.

Hadaba innagoo halkaasi ka duulayna aynu usoo noqono muxuu yahay, C/Raxmaan Aw-Cali (Tolbadane)?. Wuxu ka mid yahay hogaamiyayaashii SNM, jabhadii SNM, abaandulayaashii SNM, basaasiintii SNM, iwm. iwm.... Kuwaas oo gobolada woqooyi qabsaday una soo hogaamiyay Xabashi. Kuwaasi oo walina haysta dalka Somaliland . Sidaa daraadeed, Ninkaasu ina Aw-Cali waa “Gardarro Garab Og”; ee nimanyahow Salli Calaa Nabi, inaga daaya oo haynagu taataabanina. ! Wuu innaga Tol badanyahay oo waxan u bixiyay TOLBADANE. Sobobtoo ah tolkiis waa SNM iyo Xabashi oo dalka haysata, iyo waliba inteena kale ee reer Awdal ah ee tol, qaraabo iyo asxaab iyo ehelba C/Raxmaan ay wadaagaan. Ma runtaybaa mise Waa beentay.?.!

Hadal iyo dhammaan waxad yeeshiin; nabad galydaas yar ee laysku khuukhinayo hayska dacaraynina ilaa iyo inta curaafkiinu baxayo. Oo hadii Siiraanyaba loo aqoonsanyahay inuu yahay madaxweynaha Dadka Somaliland ama doorasho ha helo ama yuusan heline. Sidoo kalana idinkuna u aqoonsanaada TolBadane inuu yahay Madaxweyne ku xigeenka dadka Somaliland (The Vice President of the Somaliland People), haddii uu doorasho helo iyo hadii uu waayaba. Madaxweyne Xigeen uun ku dhaha Mar kastaba, Madxweyne, Madaxweyne Ku Xigeen.! Si ad ninkaasi, idinkuna aydaan ugu kala irdhoobin, isaguna idiinku cadhoon oo Xabashi iyo SNM mar kale idiinku soo kaxaysan. Haa, ballanteenu waa inaan sidaas isku ogaano: “Mudane C/Raxmaan Aw-Cali waa Madaxweyne Xigeen, Haddii iyo Haddii Walba”.


Wa-Bilaahi Tawfiiq.

Abdiqani Ateeyeh ( London UK )
http://us.f384.mail.yahoo.com/ym/Compose?To=hiildan@yahoo.com