halista kaga soo fool leh siyaasada gudaha ee reer Awdal...By Yasmin Doualeh

Marka hore mahad idilkeed waxaa iska leh illaahay, nabad gelyo iyo naxariisna Rasuulkeena Moahamed korkiisa ayey ahaatey scw, indinkana waxaan idiin soo tebeniyaa salaan diiran akhristayasha qiimaha badanoow.

Waa kan qalinkii iyo qormadii aad iiga barateene, maantana waxaan jecelahay inaan ku eegno qormadeeydan arimo dhawra oo aan u arkay inay mudan yihiin in aan ku falanqayno maqaalkeeygan maanta, amba aan wax ka taabtoo, ka dib markaan arkay in loo bahaan yahay inay mudan tahay in loo soo bandhigo bulshada Reer Awdal, Balhadabase qormadeeyda maanta dareenka ay xambaarsan tahay waxa weeye, halista kaga soo fool leh siyaasada gudaha ee reer Awdal, oo aad moodo in maamulka Dahir Rayaale ay ka seexdeen wax ka qabashadeeda, taasina ay ku tusayso in dhaliilo badan oo xaga maamulka Rayaale ay jiraan, sida uu Gobolkan uga gaabiyey horumarka Goboladaa kale ee ka tiirsan Somaliland.

Intaananse qalinkayga la kala bixin, waxaan raba inaan ka afeefto wax yar, marka aynu had iyo jeeraale ka hadlayno dhaliilaha hogaanka, xukuumada iyo gebihaanba Somaliland maaha micnaheedu inaynu Reer amba Qabiil Afka ciida u darayno, ee hadafkeenu waxaa weeye inaynu waxii xukuumadeena ka khaldan aan farta ugu fiiqno, si loo taamil yeelo himilada aynu higsanayno, si hadaba aynu hamigeena u xoojino una ogaadhno horumar wax ku oola ayaa waxa loo baan yahay in si wada jir ah looga wada shaqeeyo hurumarka Awdal Jaaliyadaha dibada jooga iyo xukuumad wax qabad wanaagsan leh iyo shacab ka gudaha joogaba, si geedi socodka nolosha hore loogu sii mariyo.

Waxaanse lee yahay garanay in maamulka Rayaale ku guul daraystay wax yaabo badan oo looga baahna inuu qabto, mase ogsoon tahay in maamulkan wakhtigiisii uu dhaw yahay oo mudo yar ayaa xiligiisiiba ka hadhay, ee marka xiligiisu dhamaado, taladu yaanay mar danbe ina seegine, inagoo ka shidaal qaadanayna waayo aragnimada aan ka dhaxalnay maamulkan hada jira, aan u dhiibano masuuliyada cid ku haboon oo ka soo bixii karta xilka culus ee loo igmaday ummadana si cadaalad ku dheehan tahay uu daadihiya, welibana inoo horseedi karta bash bash iyo badhaadhe, oo umadan daalan moral jabkuna ku dhacay daba qabata oo la shaqayn kara halyeeyga " Mayer CABDI SHIDE BILLE "

Kolse haday sidaas arimihu yihiin waan ina hamigeena xoojino waan inaa soo doorana qof u qalma jagada madaxweyne ku xeeganka ee xisbiga Kulmiye oo halyeey ah run-ahaantina qof ana ahayn Eng: Cabdiraxman Saylici ma arko " so far " waa nin ku haboon masuuliyada kartina ilaahay uu dhaliyey cadaaladna ku dheehan tahay wax yaloo badan Gobolka kaa qabtay ha ugu horayso " Airport--ka " Borame .... Shacabka Reer Awdal uma baahna wax jahwareer ku abuuro oo sii tukhun tukheeyaa waxeey u bahaan yihiin ruux damiir leh oo lexajeclo ka hayso Gobolka iyo dadkiisa, ruux kasta oo damirkisu nool yahay marnaba ina-aw-Cali ku tashan mayo , taasi waxay noqonaysaa adigoo isha far iska geliyey.

Waxaan u arkaa inay tahay talaabo khaldan in jahwareer lagu abuuro dadka walaalahaa ah ee reer awdal inkastoo ay reer Awdal marwalba midnimadu ay u tahay lama huraan....

Waxaan kusoo gebagebaynayaa maqaalkaygan maanta, tan iyo intaa aan hawada ku kulmi doono kulan danboo xiisa badan mar kale, Nabad Gelyo amaana allah iyo amaana rasuul scw.

Yasmin Doualeh
yasmin_qalanjo@hotmail.com